Всемирный день туризма
Раськеютконь туризмань чи
Таштамковонь 27 чистэ Мордовия Республикань Туризмань-информациянь куншкасо ютась покшчи, кона алтазель Раськеютконь туризмань чинтень. Весень туртов анокстазель «Мордовиясо туризманть келейгавтомазо» невтевксэсь, «Мон вечксан Мордовиянть» фотоневтевксэсь, чувтосто керсемань коряс невтевксэсь ды ламо лия мезе. Теке марто анокстазельть ёрокчинь невтемат (мастер-класст): «Эрзянь ды мокшонь някань теема», «Кода кортамс эрзянь ды мокшонь кельтнесэ?», «Эрзянь ды мокшонь киштема», «Чувтосто керсема», «Эрзянь ды мокшонь раськень оршамотнесэ карксонь кодамо» ды лия мельстуиця тевть.
Невтемга, эрзянь ды мокшонь кельтнень тонавтомо сакшность Ялгань эйкакшонь кудонь тонавтницятне ды Мордовия Республикань лия эрьва кодамо тонавтнема кудотнестэ эйкакштнэ. Весе тонадсть шумбракстнеме, содавиксэкс теевеме, сюконямо. Эрьвась инжетнень эйстэ кадовсь мельспаросо. Ды теде башка весе сыцятне ловность тиринь кельтнесэ валморот ды морасть эрзянь, мокшонь морот.
Сехте питней казнекс весень туртов кармась «Торама» морамо курось.
Зинёронь Сантяй
Фототне Мордовия Республикань Туризмань-информациянь куншканть