Новости на эрзянском языке
723
Новости на эрзянском языке

Вернулись с победой

Ноябрянь 2-4-це читнестэ Московсо ютась РФ-нь государственной кельтнень коряс Весероссиянь I-це олимпиада. Сонзэ ютавтыцянзо – Казанень (Равчирень) федеральной университетэсь ды РФ-нь Образованиянь ды наукань министерствась. Пелькстамось ютась А.С.Пушкин лемсэ рузонь келень государственной институтсо.

Ноябрянь 2-4-це читнестэ Московсо ютась РФ-нь государственной кельтнень коряс Весероссиянь I-це олимпиада. Сонзэ ютавтыцянзо – Казанень (Равчирень) федеральной университетэсь ды РФ-нь Образованиянь ды наукань министерствась. Пелькстамось ютась А.С.Пушкин лемсэ рузонь келень государственной институтсо.

Эряви меремс, васняяк октябрянь 1-15-це читнестэ национальной республикатнесэ мольсь олимпиадань региональной этап. Сонензэ явсть мель минек масторонь келень сисем группатне: славянонь, иранонь, тюркань, монголонь, абхазо-адыгень, нахско-дагестанонь ды финнэнь-угрань. Олимпиадантень сёрмадстызь эсь пряст малав 6 тёжат ломанть.

Московов меельце этапонтень сакшность 17 регионсто 138 участникть. Те – школань покш классо тонавтницятне ды студенттнэ, конатне изнясть эсест регионсо. Мордовиянть пельде тов якасть 10 ломанть, эрзят ды мокшот: М.Е.Евсевьев лемсэ МГПИ-нь, Н.П.Огарёв лемсэ МГУ-нь, Ицялонь ды Зубова-Полянань педколледжень студенттнэ, школань тонавтницятне.

Мельспаро пачтямс, пединститутонь филологиянь факультетэнь 4-це курсонь студенткась Светлана Надейкина лиссь изницякс.

– Миненек эрявсь анокстамс Мордовиядо презентация, максозь темань коряс сёрмадомс эссе, ловномс эсенек кельсэ стихотворения ды ютавтомс сонзэ рузонь кельс. Жюрись пштистэ ваннось-кунсолось, кода минь ловнотано. Нама, эрявсь ловномс парсте, гайтевстэ, невтемс келенть мазычинзэ. Лиякс меремс, вансть артистичностенть, выразительностенть лангс. Минь ды ламот лиятнеяк састь раськень оршамопельсэ. Те шнавсь. Пелькстамось пек тусь мелезэнек. Весемесь анокстазь парсте. Изницятне пурнасть баллт. Зярдо яволявтызь лемем изницятнень ютксо – эзинь кемеяк, истя кецязевинь! Делегациянок виевстэ цяпась тень. Те уцяскав ёжось зярдояк а стувтови! – ледстни Света.

Сонзэ марто ве курссо тонавтницясь Екатерина Евстигнеева лиссь призёрокс. Катя тей сазь весе студенттнэнь пельде ськамонзо ёвтась вал Федерациянь Советэнь трибунасто. Од тейтересь чачсь Отяжбуень Дюрькина велесэ. Школань прядомадо мейле сась тонавтнеме М.Е. Евсевьев лемсэ МГПИ-нь филологиянь факультетэв ды кочкизе «Рузонь кель ды история» специальностенть.

Ноябрянь 2-4-це читнестэ Московсо ютась РФ-нь государственной кельтнень коряс Весероссиянь I-це олимпиада. Сонзэ ютавтыцянзо – Казанень (Равчирень) федеральной университетэсь ды РФ-нь Образованиянь ды наукань министерствась. Пелькстамось ютась А.С.Пушкин лемсэ рузонь келень государственной институтсо.

– Мон а содылинь, кода карми тосо, мезе вешить пельденек. Ризнынь, пелинь ды талнынь. Сюкпря ёвтан Е.П.Прокаева тонавтыцянтень, кона лездась анокстамсто. Мордовиядо презентациянть теия видеосо: невтия минек пертьпельксэнть, ёвтнинь эрзянь койтнеде-кирдатнеде, кенярксчитнеде, Тавлань налкшкетнеде, раськень ярсамопельтнеде. Кирвазтнинь чувтонь покш кечесэ штатол. Бажинь седе ламо ёвтнемс Мордовиядонть, минек раськетнеде, сюпав койтнеде, – ёвтни Катя.

Ноябрянь 2-4-це читнестэ Московсо ютась РФ-нь государственной кельтнень коряс Весероссиянь I-це олимпиада. Сонзэ ютавтыцянзо – Казанень (Равчирень) федеральной университетэсь ды РФ-нь Образованиянь ды наукань министерствась. Пелькстамось ютась А.С.Пушкин лемсэ рузонь келень государственной институтсо.

Екатерина ловнось эсензэ сёрмадовт стихотворения, ютавтызе рузонь кельскак. Те турсонть сон пурнась 50 баллт. Аволь шождакс марявсь эссень сёрмадомась. Тенень явовсь вейке пель марто час. Максозь колмо тематне сюлмавозь келенть марто.

Катя ды Света ёвтыть ламо сюкпрянь валт тонавтыцяст туртов: О.И.Налдееванень, Е.П.Прокаеванень ды С.Н.Маскаеванень, конат важодсть мартост, анокстасть эйсэст. Вузонь педагогтне седейшкава кецнить неть тейтертнень изнявксост кисэ.

Ноябрянь 2-4-це читнестэ Московсо ютась РФ-нь государственной кельтнень коряс Весероссиянь I-це олимпиада. Сонзэ ютавтыцянзо – Казанень (Равчирень) федеральной университетэсь ды РФ-нь Образованиянь ды наукань министерствась. Пелькстамось ютась А.С.Пушкин лемсэ рузонь келень государственной институтсо.

Мордовиянть пельде призёрокс олимпиадасонть истя жо лиссть: Н.П.Огарёв лемсэ МГУ-нь студенткась Ю.Мамаева, Орданьбуень Низовка велень 11-це классонь тонавтницясь А.Клементьева, Дубёнка ёнксонь Кочкурвелень 10-це классонь тонавтницясь Е.Дергачёва. Тейтертнень валост коряс, а эряви пелемс невтемс эсь прянть!

Пелькстамодонть башка, сынсь якасть Московга экскурсиява. Ульнесть А.С.Пушкин лемсэ Государственной музейсэ, прявт ошонть содавикс таркатнесэ. Мартост свал важодсть волонтёртнэ, конат вастызь вокзалсо ды ильтизь мекев.

 

Татьяна Маторкина

Рассказать друзьям