Новое от Тамары Барговой
2442
Новое от Тамары Барговой

Эрзянские песни в Болгарии

Отдых в Болгарии. Куда без национального платья? Никуда.

Разве могла я подумать, что буду петь наши эрзянские песни… в Болгарии?!

А вот случилось! Дочь взяла путевку на отдых для двоих в Болгарию: для себя и для меня. Но у нее в жизни случились очень важные перемены: любимый позвал замуж. Какие уж тут болгарии, какой отдых... И мне пришлось срочно искать себе в дорогу подругу. И она нашлась! Да еще какая!

Отдых в Болгарии. Куда без национального платья? Никуда.

Отдых в Болгарии. Куда без национального платья? Никуда.

Раида Евстафьевна Степанова живет в Москве, она неофициальный заместитель председателя национального объединения «Эрзянь вайгель», поет в ансамбле «Эрзянь вайгель». Раиде Евстафьевне 82-й год! Несмотря на солидный возраст, она выглядит современно, элегантно, бодра, весела, увлекательна! Самое прекрасное – она не скрывает своего возраста, гордится своими годами, но в то же время вовсе с ними не церемонится. Чувствует себя полной сил и энергии женщиной. Всегда в форме, с макияжем, ее makeup не уступает выполненным профессионалами: «Я же регулярно хожу на семинары…» - Раида Евстафьевна до сих пор сотрудничает с «Орифлеймом». А еще она всем своим подругам (все – моложе нее) весело подчеркивает: «Называйте меня Раидой, ведь между нами разницы всего лишь несколько недель…»

Одним словом, с Раидой было комфортно, жизнерадостно и поучительно для нас обеих. Дело в том, что она - коренная эрзянка - свой родной язык стала изучать в 60 лет, до этого хоть и слышала от родителей эрзянскую речь, но надобности особой не было выучить его. И вот только когда через толстенный пласт времени посетила село, где прошли несколько детских лет, полных лишений, когда увидела лица сельчан, очень похожие на те, из детства, вдруг мощной волной накатило желание выучить язык предков, язык родителей. В 1990-е годы сама в качестве активиста организовала курсы эрзянского языка, на которых была самой усердной ученицей. Многому научилась, все понимает, но вот свободного общения не достигла. Вот и говорили мы с ней все время, пока были в Болгарии, на эрзянском, я, если что не так, поправляла Раиду.

С другой стороны, я получила от нее замечательные уроки песенного мастерства, выучила несколько песен из репертуара ансамбля, в котором Раида поет, вполне возможно, теперь где-то выступим еще и дуэтом.

Но самое главное – мы на отдыхе в Болгарии провели вечер дружбы, на котором пели наши эрзянские песни, рассказали о Мордовии, о нашем народе, о традициях, быте. Конечно же, акцент сделали на том, что в 2018 году столица республики Саранск будет принимать чемпионат мира по футболу, какой у нас уютный и красивый город. Что в этом году мы будем отмечать 140-летие нашего великого скульптора Степана Эрьзи. Рассказали о наших праздниках «Эрзянь озкс», «Акша келу», пригласили посетить Подлесную Тавлу, Старую Теризморгу, где научат печь мокшанские блины, доить корову и козу, вырезать деревянную игрушку…

Конечно же, задумка об этом вечере обговорена была нами заранее. И родилась она вокруг свадьбы дочери. Ведущий свадебной церемонии Дима Ромашкин родом из Саранска задумал развернуть на московской свадьбе «мордовскую тематику», и, надо сказать, она произвела сильное впечатление. Для этого понадобились национальные костюмы – для выступлений, а также… продукция Саранского ликеро-водочного и молочного заводов, куклы в национальных одеждах О.Т.Буйновой из Рузаевки – для призов.

Вот под впечатлением свершившегося мы взяли с собой национальные костюмы и на отдых. И в первый же день по приезду предложили администрации отеля нашу программу вечера дружбы. Соответствующее объявление было доставлено в каждый номер, и в один из вечеров в холле собрались отдыхающие: немцы, болгары, русские, украинцы, белоруссы, коми, евреи, финны…

Конечно же, мы были в наших эрзянских костюмах. Наше выступление импровизировалось на ходу, одним словом, был сплошной экспромт. Помимо задуманного мы еще рассказывали и о нашей национальной кухне, и об узорах на наших рубахах… Многие захотели с нами фотографироваться, а детишки после этой встречи каждый день прибегали к нам здороваться и еще очень хотели с нами обниматься. У меня с собой были мои книги о Мордовии, о Саранске, о Подлеснотавлинской браге… - Подарила юным читателям: пусть знают, что есть такая республика и что есть такой народ.

А Раиду еще спрашивали, как ей удается сохранить молодость души и тела. Она отвечала, что никогда не скрывала своих лет, а сохраниться помогает любовь к жизни и людям. «Я никогда не стремлюсь в жизни и в людях замечать плохое, стараюсь видеть только хорошее. Для меня нет плохих людей, и ни с кем я никогда не конфликтую».

Действительно, любить всех и не искать в людях недостатки – наверное, лучшего лекарства для сохранения себя не найти!

Вот такой вечер дружбы с эрзянскими песнями состоялся у нас в одном из отелей Болгарии на берегу Черного моря. Мы рассказали представителям других стран о нашей Мордовии, знаменитом земляке, о наших традициях и праздниках. А до этого, на свадьбе, еще и представили продукцию наших мордовских предприятий и мастеров, за что можем рассчитывать на бонусы.


Отдых в Болгарии. Куда без национального платья? Никуда.

Эрзянь чокшне Болгариясо

 

А содаткак, ков ды кие марто ветятадызь эрямонь китне!

Кодаяк эзинь учне Пазонть пельде истямо казне: нурькине шкас, теке ёвкссо, теевемс иневедь чиресэ ды пештямс ойменть-седеенть весе парочитнесэ, конатнень теть кази кизэсь, чипаесь, иневедесь! Лиссь те вана кода: тейтерем сайсь мель молемс оймсеме… монь марто иневедь чирев, Болгарияв! Ансяк сонзэ эрямосонть лиссть кенярксов лиякстомат – вечкевиксэзэ тердизе мирденень. Кецямонть пачк кавонест стувтызь оймсемав пурнамонть ды тешкстызь свадьбань ютавтома чинть малав теке шкантень. Кодат уш тесэ болгарият, кодат оймсемат! – Свадьбадо мейле одтнэ сыргасть эсест путешествияв, а вана монень ськамон туртов эрявсь ливтямс иневедь чирев. Мезть сёпомс, ризнэвтсь теяк: стяко ёмить ярмактне, конат икелепелев уш пандозельть. Ды тесэ апак учо лиссь тень ялга. Ды оштё кодамо ялга!

Сонзэ содасызь ламо эрзятне. Те Раида Евстафьевна Степанова. Сон эри Московсо, «Эрзянь вайгель» вейсэндявксонь прявтонть полавтыцязо, моры «Эрзянь вайгель» ансамблясонть. Поладан тенень: Раида Евстафьевнанень 82-це ие! Васняяк мерян: Раида Евстафьеевна а сёпи сонсензэ иетнень. Ансяк сон мезескак а путы сынст, мари прянзо вийде ды мазычиде пештязь од авакс. Моненьгак, лия ялганзо туртовгак (сонзэ ялгатнень ютксо пек ламо од ломанть ды целанек малав весе ялганзо сондензэ пек седе одт) а весть мерекшнесь: «Мерть тень Раида, эдь монь ды тонь ютксо ансяк зярыя таргот…».

Ды вана истямо кенярксов, эрямонь вийде пешксе ломань марто минь пурнынек васоло килангов. Ёвтаса, весть Раида манявсь, мерсь вал юткова: келя, мезеяк берянь а ули, бути кулан иневедь чиресэ.

Мон неть арсематнень сеск панинь седейстэнзэ:

- Те кода истя! Пурнатано оймсеме – тон арсят куломадо?! Минь оштё мартот иневедь чиресэ морасынек эрзянь моротнень! Саитька мартот эрзянь оршамопельтнень!

Раидань ёжозо сеске паролгадсь, сон натой дивазевсь:

- Мерят, карматано тосо эрзянь моронь морамо? Косо?

Мон зярс пек эзинь сода, кода весе лиси. Ансяк вана те арсемась – ютавтомс Болгариясо ояксчинь чокшне, сась тень тейтерень свадьбанть анокстамсто. Свадьбань ветицясь – тейтерень ялгазо, вейсэ тонавтнесть Саранскойсэ институтсо – Дима Ромашкин икелепелев мерсь: келя, пароль невтемс свадьбасо эрзянь койть, киштемань-морамонь лувт, эдь Московонь инжетне аламо мезе содыть минек раськеденть. Ды оштё седеяк паро ули, бути пелькстамотнесэ изницятнень туртов казнекс ули Мордовиясо теезь продукциясь. Мезть кортамс, цёрась – алкуксонь патриот!

Истя вана анокстынь свадьбав покш чемодан, пештинь тозонь весе эрзянь оршамопелень – монь сындест зярыя, раминек Саранскоень ликёро-водочной заводонь ашо вина ды бальзам, истя жо Саранской молочной заводонь сгущёнка. Рузаевкань кедьчелькев авась О.Т.Буйнова (сонзэ марто теинек книга) макссь мартон эрзянь ды мокшонь оршамопельсэ вишка някат – сыньгак,келя, эрявсть казнекс явшемс.

Свадьбасонть «эрзянь тематикась» пек тусь весе инжетнень мельс. Те кемекстымим мельсэнть поладомс тевенть Болгариясояк.

Уш Московсо минь Раида марто ушодынек анокстамо ояксчинь вастомантень, моротнень морсеме. Минек вейсэнь репертуарсонть ульнесть кеменьшка морот. Раида сынст парсте содасынзе, мон вана сцена лангс морсеме а лиснян, куш ламо моротнень содасыньгак. Раида ульнесь тень паро превспутыцякс, тонавтсь, кода таргамс, кода косо мелявтозь-ризнэзь эли эрязасто морамс те эли тона моронть. Минь морсинек аэропортсо самолётонть учомстояк, Болгариянь моданть лангс чалгамстояк. Икелепелев мерян – экшелямо молемстэяк, иневедь чиресэяк эзинек лотксе морсемеде. ды курок минек перька кармасть пурнавомо ломанть – кунсоломо, кода моратано. Французт, финнт, болгарт, Московонь рузт, полякт, украинецт, белорусст… Мейле кой-конатне эйстэст сакшность концертэзэнекак.

Сеньгак ёвтаса – вейсэнь улеманок Раидань туртов ды монень ульнесь лезэв кавксть: минь аволь ансяк экшелинек иневедьсэ, мон тонадынь морсеме, Раида монь пельде тонавтнесь эрзякс кортнеме. Тевесь сеньсэ – сон келенть а содылизе, ансяк 60 иесэ ушодсь сонзэ тонавтнеме. Ды таргонь перть минь мартонзо кортынек ансяк эрзякс.

Секе чистэнть, кода сынек отелев, ёвтнинек эсенек арсеманок ояксчинь чокшненть ютавтомадо тосонь администраторонтень Лючиянень. Сынек сонензэ эрзянь оршамопельсэ, мон саинь мартон эсень книган Мордовиядо, Саранскойде, Вирь ало Тавлань брагадо… Нурькинестэ, невтинек прянок – ды минек меленек эзизь керя – кирдизь. Икелепелев теинек яволявтома, кона шкасто ютавтови ояксчинь чокшнесь. Те яволявтоманть отелень важодицятне явшизь весе нупальтнева. Лемдинек сонзэ истя – Ояксчинь вастовома-чокшне. Минь икелепелев арсевтинек: те чокшнесэнть ёвтнетяно минек республикадонть – Мордовиядо, прявтоштонть – Саранскойде, косо карми ютавтовомо 2018-це иестэнть футболонь коряс чемпионатонь налксематне, эрзянь ды мокшонь минек раськетнеде, койтнеде-обуцятнеде, содавикс скульптордонть Степан Эрьзядо, кинень тедеде топодить 140 иеть, невтьсынек эсенек оршамотнень, морасынек эсенек моронок. Отелень администрациянть туртов а мезель ульнесь ёвтамс тень каршо – тосо зярдояк истят тевть арасельть. Лючия эзь сода, кода, мезе кортамс. Минь саинек весе тевенть эсенек лангс. Ды вана тешкстазь шкантень - те ульнесь чокшнень ярсамодо мейле, оймсицятне кармасть пурнавомо холлсонть минек кунсоломо-ваномо. Весень пек дивавтызь минек оршамотне – ламот бажасть мартонок снимамо. Ды седеяк мельспаросо кунсолость эйсэнек. А содан уш, весе эли аволь весе чарькодсть, ансяк весень чачост валдольть, весе вансть лангозонок ды кунсолость минек паро мельсэ. Те ульнесь кадык аволь покш, ансяк алкуксонь ояксчинь чокшне-вастовома. Кода иневедь чиресэяк, минек ней кунсолость ламо нациянь ломанть. Минь, кода арсинекак икелепелев, ёвтнинек республикадонть, чемпионаттонть, кодамо мазый минек Саранскоесь, кода сон аноксты чемпионатонтень, ёвтнинек раськеденек, кезэрень оршамопельтнеде, покшчинь ютавтомань, ярсамонь койтнеде, Вирь ало Тавладо, Ташто Теризморгадо, «Эрзянь озксто»… Кода тосо учить туристтнэнь ды анокт сынст седейшкава вастамс. Морынек моронок, тердинек лия масторонь ды Россиянь ломантнень инжекс минек Мордовияв. Кода уш кортынь, монь ульнесть мартон эсень книган Мордовиядо, Саранскойде, Вирь ало Тавлань брагадо… – явшинь сынст эйкакштненень, кадык кармить ледстнеме те вастовоманть ды а стувтыть – ули истямо раське, ули истямо республика – Мордовия!

Раидань кевкстнесть: кода истя сон маштсь ванстомс прянзо, эзь синдеве иетненень? Сон ёвтнесь:

- Мон а сёпан иесэнь ды сындест малавгак а арсян, а пелян – весе сынь монь! Эрян паро мельсэ, весень вечксынь. Монь туртов арасть берянь ломанть. Зярдояк кидеяк беряньстэ а арсян ды а кортан.

Алкукс, вечкемс весень ды а вешнемс а ломантнестэ, а эрямостонть апаро ёнкст – теде паро надобия шумбрачинть ванстомантень а муят!

Чокшнеденть мейле минек ваксс пурнавсть ломанть, бажасть ёвтнеме эсест раськедест, эсест койтнеде… Весень мельс тусь истямо вана апак учонь тевесь-вастовомась. Эйкакштне, конат ульнесть те чокшнесэнть, мейле эрьва вастовомастонть чиильть эйзэнек ды кутморильть мартонок. Минь весень марто теевинек теке малавикс роднят. Ды, арсемган, те истя ульнеськак!

Вана истя апак учо минь омбо масторонь ломантненень ёвтнинек тиринь ёнкстонок, минек содавикс ломантнеде, койтнеде-кирдатнеде. А вана свадьбасонть, кона ютась теде икеле, оштё невтнинек-пачтинек инжетнень туртов се продукциянть, кона тееви минек республикань предприятиятнесэ.

Тамара Баргова

Рассказать друзьям